潮州菜本來好下價,都係鹵水,魚飯,凍嘅為主,因為潮州本身幾窮下,多數又係打漁,種地為生,食嘢就唔講究...
果度又多颱風,絕對唔係富庶嘅魚米之鄉~ 咁嘅背景下,就好多人出外揾食,好多落香港,南洋,甚至去花旗國等... 潮州佬真係幾團結嘅~ 係社會次序混亂嘅時代,呢D結社互助會的確好有實際存在意義...
二戰後經濟起飛,唔少肯捱嘅潮州佬就發左達,最出名當然就係李嘉誠啦,後來英國部署撤出香港,海派實業商人睇唔起香港,覺得香港係臨時落腳點,多數都移居外國,所以冇點買香港嘅地,咁就造就左呢幫廣東佬,潮州佬就佔多數,珠江三角洲嘅都冇咁多... 嚴格來講,其實潮州唔屬於廣府文化,佢地同福建仲相近D..
咁果時開始,香港嘅潮州菜就開始走高價路線了, 灼響螺片都可以幾百文一塊,甚至有過千嘅....最少兩塊起.... 當然,值唔值就另睇, 潮州人好講面子,情願自己勒緊褲帶都要請人食好嘢,貴嘢.. so..
個人就唔係幾識欣賞啦~ 三代富貴先至識食,但富不過三代, 所以其實, 冇乜人真係對食有好深入嘅研究, 財經界演員多,飲食界都好多演員~ |