前两年,一直帮衬开25文/对的昆山大闸蟹吾知道系米卖得太平,觉得无得稳,今年无做淘宝了!
但我相信,只要有恒心,一定仲会稳到好野,搜寻左一轮,终于给我稳到家刚开无耐的店主,呢次吾系昆山蟹了,根据店铺介绍系正宗阳澄湖大闸蟹....
不过,个个都话自己系正宗家啦!哈哈.我承认我系师奶性格,果D 六七十文一对得果二两重既真系吾舍得吃!之前建设六马路果间流金岁月开推荐会请吃饭,有幸吃到价值200几文一只既五六两重既大闸蟹,自问已经觉得无撼了,最好既野已经吃过,自己给钱,都系省得就省啦...
呢次呢家,店主今年第一年开淘B,为左冲信誉度,所以做既价钱非常平,但据说系阳澄湖有养殖场,欢迎所有顾客亲自去到养殖场挑选....亦的确见到有D客系开车去自取的...就睇住呢点,起码排除系本地产既流野毛蟹~~~同埋果D咩营业执照,经营证件都有影相翻晒上淘B,虽然个个都系呢笼野,但起码人有距有~~~
价钱方面,呢次比上次仲抵!三两多D既公加二量多D既母,系28文/对,不过我呢次选既系高一个等次的,三两八左右既公,同二两八既母,呢个标准既蟹,就45/对!
四对以上包快递!包快递呢野先吸引,又可以省二三十文...另外买四对送只一两几既小蟹....哈哈..虽然比较迷你,但都系大闸蟹吖~~真系满足晒我地呢师奶既欲望....
不过话时话,讲左甘多废话,其实D蟹我都未吃!!!今晚等齐人先开杀戒!哈哈....
无论D蟹掂吾掂,今晚都会上图报告~~~好吃再留地址给大家,吾OK就费事帮人卖广告了.
先上住刚收货的图先啦!!!!!大家一齐流定口水先.
蟹蟹放系个竹栏里面的,都算干净企理.好好彩,全部生龙活虎,无死蟹.
拿晒出来,全部排排坐....右上角果只,就系赠送的小蟹...哈哈
拿个鼠标来对比下蟹的大细先....
[ 本帖最后由 傻茵茵 于 2009-10-11 21:17 编辑 ] |