第一次遇到车车路上跪底，分享经验，感谢康记同东东！

傻茵茵

全屋企都系新手，车龄不够两年，但偏偏屋企D男人都喜欢车，两年间购入雨燕同世嘉，买车后停车费同油费系甘不断升，地地道道成为车奴。

    雨燕日本仔车，老豆开，开甘耐唯一的好处就系省油，但舒适性同安全性真的让人比较冒汗。舒适性缺点为后座高D肥D都坐得比较辛苦，D路稍微颠簸一D，个头就好可能撞顶，安全性方面，体现系之前系停车场给人撞尾，一台马六撞埋黎，雨燕个尾不堪一击，但马六只系伤咗小小。

    后来老公买了世嘉，开耐咗先明显感觉到区别，欧洲车地盘真系好稳，坐得好舒服，同埋车身好硬正，听关门声对比一下就知道了。但唯一缺点就系真系比较耗油，磨合期油耗都系十几个，听其他开世嘉的朋友讲，过了磨合平均大概就系9-10之间吧世嘉开高速真系超级无敌省油，油耗只需要5个左右，但一到市区塞车就比较攞命了，油耗会去到十几个。。。强烈建议，经常要开高速的朋友，可以考虑欧洲车，无论油耗，安全，舒适都系一流的。

     扯远了，讲翻今次个主题，今日本来参加一个自驾车活动顺德吃鱼的，念住省油就选择开雨燕了，台车公里数只系万二公里，台车开到新光大桥就突然无晒动力，上坡慢如牛，可以挂档但点加油都无咩反应。于是马上落高速靠边停，由于全家人都系汽车白痴，只好求助于人，马上打给康记，康记听完我讲马上判断系离合坏，然后给咗好多意见我，之后见我比较慌乱，仲话不如开过来帮我手或者睇下附近有无兄弟可以帮我，传说中的车迷网的互助精神呢次终于感受到，真系好感动！！！
     但因为4S店系附近，而且我台车仲系保修期内，所以都系叫4S黎会方便好多，唔想麻烦大家~CALL 4S后，等左大半个钟先来人，然后睇完台车，果然都系判断系离合器坏，然后就话要叫拖车，之后再同我讲翻去要换离合呢样果样，因为个离合片保修期已过，所以要我地吃自己，报价给我话要1350！我听完第一反应就系“坑爹”！讲紧我台车先系万二公里，离合甘快就坏，质量肯定唔方好，坏都算了，仲要我吃自己，吃自己都再算了，仲要报个千几文的天价给我~4S的行为我古都系普遍存在的，特别对付我地呢D汽车白痴，唔斩你斩边个啊~~~
    其实系果一刻，我已经念住，呢次钱应该系要给硬家啦，但既然要给钱，我真系唔想给4S赚，于是又再次打给康记，叫康记介绍间修车铺给我。康记给咗东东电话我，马上打给东东，再次令人感动的是，东东并无因为可以赚我呢笔生意，而马上叫我拖车去距度，反而系建议我拖台车翻4S，距话我而家同个靓仔嘈无用的，翻到4S店直接稳话得事既人倾，距话万二公里就坏离合无理由唔保的，叫淡定D，去到4S大大声讲野就得家啦~~~~唔掂就嘈到距掂~~~哇哈哈，听距讲完我就马上淡定好多，跟住就叫4S叫拖车送翻去4S。
    翻到4S一开始稳果D销售倾，都系同我讲大道理话离合坏多数系个人开车习惯有问题造成，过咗保修期就无办法家啦，讲来讲去其实都系叫我吃自己啦，听完呢D废话我就话：“你唔使同我讲甘多，反正我台车万二公里就跪底咗，呢个系事实，你地质量差就系事实！果D咩离合唔离合我唔识，你唔使同我讲甘多，你地保修合同几万字我无可能一字一句都睇晒，就算合同有写唔保但都唔代表合理，国家对汽车保修有明确规定，台车万二公里就跪底咗，你地应该系要负责任的。你地唔负责任我都无办法，但我会将呢次件事系我认识的汽车网站例如车迷网,XX网，XX网………暴光，等大家黎同我评评理，等大家知道雨燕的汽车质量，等大家知道你地“优质”的售后服务。
   个销售听完，态度就马上有转变了，马上话“其实呢D我地都话唔到事家，我反应给我地经理啦，睇下经理可唔可以帮邓小姐你解决啦”后面发生的事就一万字省略了，反正结果就系最后经理好有礼貌甘答复，呢次费用就帮我地搞掂啦……..听到个答复果一刻个人就松晒，唔使给钱整车固然开心啦，但同时为自己上咗宝贵既一课，以后再发生类似事件，都唔会再甘彷徨啊嘛~~~真系要系度衷心感谢康记同东东，无你地既话，我呢次肯定大出血家啦~~~嘻嘻…….
   不过呢次仲总结到一样野，就系开手波车千奇唔好习惯踩住个离合黎加油，我老豆因为怕死火所以养成呢个非常唔好的开车习惯，甘样开车离合的寿命会非常短。如果有呢个开车习惯既同学，都要注意下啦~~~~

N仔

何经理？？就系因为何经理同你唔洗钱搞台车，售后部人人有份上台领“奖”。连人家喷漆工都有份上台领奖200大元。为得“奖”的人感到 。

[ 本帖最后由 N仔 于 2011-5-7 18:49 编辑 ]

N仔

你又搞错啦。。我唔系4S的。。

傻茵茵

原帖由 老江 于 2011-5-7 03:20 发表
此贴最好不要删,叫何经理看看吧!我觉得这4S做得真的很不错.很有人情味,这种4S店真的贴心服务.

何经理绝对是贴心服务的，我感激，可惜当日我最后才遇到她。算了，事情过去了，本来发帖目的是让大家以后遇到类似情况避免大损失，还有要改掉不好的开车习惯，仅此而已。想一想假如有像我这样什么经验都没有的车友第一次遇到路上抛锚，如果什么都不懂最后就只能4s报多少，无论是否合理，都只能乖乖的给。我这次是幸运最后遇到好的客户经理，过了保修都愿意帮我整，但如果其他车友遇到不好的4s呢？没经验别人就会欺负你啊。想想万一一个人在路上，多彷徨啊。车我修好了，我根本没唱衰人的必要，花那么多个小时写那么多字难道不累啊？

老江

此贴最好不要删,叫何经理看看吧!我觉得这4S做得真的很不错.很有人情味,这种4S店真的贴心服务.

傻茵茵

原帖由 N仔 于 2011-5-7 00:02 发表
不是吧。。你在4S大吵大闹。再加上放假期间店内买车的人多。唔想影响其它客人经理也只好同你搞。嗯。呢招果然得啵。学下野先。继续。。。

我最后一次复你，因为你已经唔值得我再同你讨论落去，因为发觉你已经变成个无赖了。我要知道你系边个根本唔难，因为4S的业务已经稳左我问我呢张贴既事，傻既都知道咩事。我今日下午本来已经叫管理员删贴，费事对个业务有咩影响，但睇来真系完全无必要。

如果果日系你接待我，我真系好可能同你大吵大闹，但真系好好彩，果日我无遇到你。呢件事，我会自己给电话给何经理解释清楚，或者邀请距黎睇下张贴。

而家呢个社会，言论自由好重要，你之前讲乜我都觉得OK，正如我发呢张贴，亦系我既自由。大家持不同意见议论下亦无所谓，但你为左攻击人，发泄不满就污蔑我，讲到当日好似亲眼睇住我泼妇骂街甘，甘就真系有失你专业身份~

呢张贴我到此为止，要讲既都讲晒，你继续闹吧，就等人睇下你地4S的“专业”操守。

傻茵茵

原帖由 N仔 于 2011-5-7 00:18 发表


4S的人都用吃饭？？难道只有你才能有权吃饭？？？ 为穷人感到无耐。。穷人都系俾有钱人看不起。。唉。！！！我这个穷人也一样。。唉。。

你都讲到呢个份上，就唔好再扮野啦。一早讲自己系4S既人米得咯，本来好多系误会，大家互相解释下就无事，但偏要系度单单打打！真系唔似个男人咯。

如果打电话果时，讲给我听师傅要吃饭，我绝对唔会唔耐烦，我地急主要系怕师傅行错路而已。甘简单既事就要讲到咩有钱人穷人，唉~~~~点讲呢D人好呢！你都系开雨燕，甘大家都系穷人一个姐，你又何必谦虚呢？妄自菲薄啊

N仔

原帖由 俺是村长 于 2011-5-6 20:42 发表
“但因为4S店系附近，而且我台车仲系保修期内，所以都系叫4S黎会方便好多，唔想麻烦大家~CALL 4S后，等左大半个钟先来人，然后睇完台车，果然都系判断系离合器坏，然后就话要叫拖车，之后再同我讲翻去要换离合呢样果 ...

4S的人都用吃饭？？难道只有你才能有权吃饭？？？ 为穷人感到无耐。。穷人都系俾有钱人看不起。。唉。！！！我这个穷人也一样。。唉。。

N仔

原帖由 老江 于 2011-5-6 18:10 发表



你讲的有点不对,车里的所有部件都不一定是在保修期限内保修的.只怪楼主买车时没了解清楚.另外,楼主已说了,4S说她的离合系消耗件，只有一万公里保修。 她超保了.她这种情况遇到这个4S肯免费和她修已是万幸的了. ...

我觉得呢位领导很有素质。。买车之前好好睇下说明书。所以呢社会的不和谐就是有很多不讲道理的人造成，唉~~~~无言。。。

N仔

不是吧。。你在4S大吵大闹。再加上放假期间店内买车的人多。唔想影响其它客人经理也只好同你搞。嗯。呢招果然得啵。学下野先。继续。。。

傻茵茵

原帖由 俺是村长 于 2011-5-6 20:43 发表
楼主的工作单位应是公职部门，并且做文秘类工作

睇来你唔系好了解我咋喔~~~~~

俺是村长

楼主的工作单位应是公职部门，并且做文秘类工作

俺是村长

“但因为4S店系附近，而且我台车仲系保修期内，所以都系叫4S黎会方便好多，唔想麻烦大家~CALL 4S后，等左大半个钟先来人，然后睇完台车，果然都系判断系离合器坏，然后就话要叫拖车，之后再同我讲翻去要换离合呢样果样，因为个离合片保修期已过，所以要我地吃自己，报价给我话要1350！我听完第一反应就系“坑爹”！讲紧我台车先系万二公里，离合甘快就坏，质量肯定唔方好，坏都算了，仲要我吃自己，吃自己都再算了，仲要报个千几文的天价给我~4S的行为我古都系普遍存在的，特别对付我地呢D汽车白痴，唔斩你斩边个啊~~~”

笑而不语。。。

傻茵茵

原帖由 老江 于 2011-5-6 20:26 发表
我那贴是回73楼的,你别误会啊!现在车修好了吗?

哈哈，没有误会拉~你说的真的是事实嘛

傻茵茵

原帖由 老江 于 2011-5-6 19:43 发表
部车修好了吗?

当日就通知第二日可以修好取车，并且同时花费400几文顺便做了保养。

老江

我那贴是回73楼的,你别误会啊!现在车修好了吗?

傻茵茵

原帖由 老江 于 2011-5-6 18:10 发表



你讲的有点不对,车里的所有部件都不一定是在保修期限内保修的.只怪楼主买车时没了解清楚.另外,楼主已说了,4S说她的离合系消耗件，只有一万公里保修。 她超保了.她这种情况遇到这个4S肯免费和她修已是万幸的了. ...

老江你说的是事实，我发贴后都知道自己系好彩的。但这次发帖目的不是炫耀自己如何占了4S便宜。毕竟台车只系刚过了所谓的保修期，不是开了几万公里，所以我要求4S帮我保修，我觉得并不是什么蛮不讲理的事。我只系个小女人，没有背景没有势力，认识我的人也知道我不是凶神恶煞的人，我说那句如果不修我会上论坛发贴讲述呢次发生的事，如果4S觉得无理，也完全可以不理会。我自问谈的过程中，我没吵也没闹，都是冷静的商量。

老江

部车修好了吗?

傻茵茵

原帖由 N仔 于 2011-5-6 17:54 发表



好似唔系好声好气啵。。。哈哈。

你去问下你地何经理我系米好声好气啦同距倾啦。我自己讲多都无用~

同果位维修的师傅好声好气倾有用么？除左讲拖车就系给钱整车，跟住就系叫我自己翻去翻手册。唔修距地就走人~我话个费用贵，距就话系呢个价家啦。你叫我可以点好声好气？
如果早D同何经理直接沟通，就算系给D钱来整，我都心甘情愿！我亦唔至于要去求助其他人。等人教我应该去点做。

老江

原帖由 思彤 于 2011-5-6 16:54 发表


人善被人欺,马善被人骑, 争取自己的合法权益, 大声点又何妨? 如果4S一早按保修规则办事,不推卸,又何来劳气呢? 4S 保养同卖车的时候也不会因为你态度好便宜多点的.总之在保修期限内的,管它什么原因, 免费保修换件 ...

你讲的有点不对,车里的所有部件都不一定是在保修期限内保修的.只怪楼主买车时没了解清楚.另外,楼主已说了,4S说她的离合系消耗件，只有一万公里保修。 她超保了.她这种情况遇到这个4S肯免费和她修已是万幸的了.因为保修期限内免费更换的部件能不能换,不是4S说了算,是厂家说了算.因我有过保修期限内更换部件的经历,我知道的,4S要拍照写报告交厂家,厂家同意后才可免费更换的.就象日产的车,整车2年或6万公里保修,但电池只保一年(卖车时就讲明的).你以为免费保修4S无钱拿吗?只不过不是问客户拿,而是问厂家要.4S虽然系黑.但有时做事都要按规定办的,不是靠大声就可以争取自己的合法权益.

[ 本帖最后由 老江 于 2011-5-6 18:33 编辑 ]

N仔

原帖由 傻茵茵 于 2011-5-6 15:26 发表


哥哥，我系吾识野啊，我一开始已经讲左我地系汽车白痴啦，甘我果日米去问人咯。。甘人地教我可以点做甘我米点做咯。甘我同4S好声好气商量下，人地答应帮我整，甘系米甘都得罪左你啊？就算你就系4S个工作人员，我 ...

好似唔系好声好气啵。。。哈哈。

思彤

原帖由 傻茵茵 于 2011-5-6 00:52 发表


从来无否认有个人原因啊，如果有心隐瞒都唔使专门讲出来啦。而质量问题系亦系我个人估计，唔系话我台车一定要质量问题。我知道你都系开雨燕，但你亦唔需要一口咬定系100%人为原因吧。

大家都系消费者，将心比 ...

人善被人欺,马善被人骑, 争取自己的合法权益, 大声点又何妨? 如果4S一早按保修规则办事,不推卸,又何来劳气呢? 4S 保养同卖车的时候也不会因为你态度好便宜多点的.总之在保修期限内的,管它什么原因, 免费保修换件都是自己的合法权益来的.

傻茵茵

原帖由 N仔 于 2011-5-6 14:58 发表
正常估到你架车系离合按盘坏唔系离合片烧。你唔信问下人啦。。离合按盘的工作原理你可能唔识挂。。点解会甘玩完我呢个唔识修车的人都估到。。你认为4S唔知？？如果我系4S.得同你换。放下先咯。。慢慢同你搞。。

哥哥，我系吾识野啊，我一开始已经讲左我地系汽车白痴啦，甘我果日米去问人咯。。甘人地教我可以点做甘我米点做咯。甘我同4S好声好气商量下，人地答应帮我整，甘系米甘都得罪左你啊？就算你就系4S个工作人员，我都问心无愧个喔。我又无周围发贴，又无讲4S个地址，难道我系自己一直玩开既唯一一个网站度发个经验分享贴，甘都得罪你啊？  

“如果我系4S.得同你换。放下先咯。。慢慢同你搞。。 ”由你呢句话已经可以睇出你系咩人啦，如果雨燕有你呢D员工，甘就真系~~~~~~~~但愿不是！

N仔

正常估到你架车系离合按盘坏唔系离合片烧。你唔信问下人啦。。离合按盘的工作原理你可能唔识挂。。点解会甘玩完我呢个唔识修车的人都估到。。你认为4S唔知？？如果我系4S.得同你换。放下先咯。。慢慢同你搞。。

我系肥仔

youfanchi,