撞车遇到无赖点半?

ai_yo · 发表于 2011-8-31 11:57:08

旬日系建设大马路省委党校门口，转弯嘅时候唔小心撞亲台福美来（当时系转弯，我系后面外圈，条友突然减速，我左前轻轻刮到他右后，当时车速估计20左右）。

因为系小事，所以就拉拉声落车Say Sorry，并且表示承担全责，跟手就话移开台车Call保险公司来啦。点知道条友可能提前进入更年期嘅阿叔（后来睇证件，条友72年嘅）自落车见面开始就每一句都挂住D生殖器官系嘴边。

心啉算了，我撞人地点都系我唔对，就好声再次同他Say Sorry。跟住睇车，见到他台车四角四边全部刮到花花碌碌（旧痕），而刚刚撞嘅位置（新痕）就系后轮轮框后面后面塑料板小小位置。

哩个时候阿叔又开始发表他对生殖器官嘅感想了，问我系咪新手，问我识唔识开始，问我点处理，又话他好忙，又话赶住么么么么咁。咁我就同他讲：”小事来啧，Call保险公司过来，开单，然后约个时间定个地方去定损，然后修车俾FP我就OK啦”。

点知道条友又话自己点忙点忙，仲话我撞他系我唔对，要我去帮他修好台车，然后修车期间仲要我俾台车他用住，否则冇车用云云...咁我又同他讲：“发生哩D事情大家都唔想嘅啦，而且又系小事，保险公司过来开单后就可以各自去办事了（我都要赶住去办事），等大家有时间一起去定损就OK啦”，跟手个阿叔又话要他自己去整车，好浪费时间，然后问我误工费点计，又话浪费汽油...当然，期间数百副生殖器官飞来飞去咁。

听到哩到我都唔想同他啰嗦了：“你想点就点啦，反正保险公司睇数我都认，你讲嘅猪肺牛肺你去法院告，法院点判我就点俾！”（其实哩个时候我已经好肯定，条友想“私了”，要知道他台车本来就花花碌碌了）

哩到要赞赞保险公司先，打完电话10分钟就来人了，仲拿带咗支农夫山泉过来。保险公司来到后按流程就影像，睇车，抄资料，开单。哩个时候个阿叔点都唔肯拿证件出来，又对住我同保险公司嘅人系到讲“你知唔知我系边个？" 保险公司两个人俾他D生殖器官激到扎扎跳，然后双方开始炒海鲜...周围都围晒人了。

因为他又唔出示证件，又唔肯签名，又对住保险公司D人炒晒海鲜咁，冇办法唯有Call啊蛇过来咯。又赞赞D啊蛇先，打完110后10分钟啊蛇来到。见啊蛇仲大汗滴细汗咁，隔离士多有个老细仲拿咗包纸巾俾啊蛇...

跟手我同保险公司就同啊蛇讲当事情况，然后话他唔肯出示证件，又唔肯签名...啊蛇了解情况后就问阿叔拿证件，然后话“对方都认全责了，你做么唔签名啊？”阿叔话：“他地都冇话点修车，边个去修，我冇车开点办，误工费点办？” 睇到哩到，大家都知道啊蛇会点讲嘅啦...跟手晌咗阿叔一餐后就叫阿叔签名咯，不过啊蛇冇开单。

处理完后同啊蛇、保险公司等人讲声多谢，又同阿叔约今日去定损后就走咗了。

今日返工后打电话俾阿叔，啉住同他约时间啦，点知道阿叔唔接电话，然后就发条短信俾他，点知道条友话冇时间...

ai_yo · 发表于 2011-8-31 11:58:00

我想请教下，如果个阿叔想玩嘢，会出咩招？

如果个阿叔一直唔去定损，保险公司会唔会过咗某个时段唔认数？

飞鱼 · 发表于 2011-8-31 12:05:19

全责的一方掌控着主动权，放心吧

yuemeihuang · 发表于 2011-8-31 12:27:50

小事一桩估计对方都嫌麻烦懒得去修换了我也是

傲虎 · 发表于 2011-8-31 12:38:23

你系全责方，只有你可以无赖

一路顺风 · 发表于 2011-8-31 12:52:17

小事。。。保留好信息和通话记录，防止对方说你不约他去定损~

zzh1206 · 发表于 2011-8-31 12:54:14

禁阿叔后来都没拿证出黎俾阿SIR睇啊？

KK201 · 发表于 2011-8-31 12:56:23

林子大啦，什么鸟都有！

扁头 · 发表于 2011-8-31 13:05:26

车迷网上72年以上的大把，点解你声声话72年的系啊叔。。。。。

11月16 · 发表于 2011-8-31 13:10:22

你全责，话之距，你无预支费用给他修车的话！

skyboyn8 · 发表于 2011-8-31 13:11:16

原帖由扁头于 2011-8-31 13:05 发表
车迷网上72年以上的大把，点解你声声话72年的系啊叔。。。。。

因为佢比人少完吾愤气咯

cocu2000 · 发表于 2011-8-31 13:29:56

原帖由扁头于 2011-8-31 13:05 发表
车迷网上72年以上的大把，点解你声声话72年的系啊叔。。。。。

30岁过后就是中坑，甘阿叔同中坑都是咁上下者，何必甘在意呢

ai_yo · 发表于 2011-8-31 13:56:24

原帖由扁头于 2011-8-31 13:05 发表
车迷网上72年以上的大把，点解你声声话72年的系啊叔。。。。。

我唔系话72以上嘅系阿叔，系我一直以为他嘅样貌、行为系阿叔，点知道最后睇到证件嘅时候先发现他72年。

ai_yo · 发表于 2011-8-31 13:57:11

原帖由 一路顺风 于 2011-8-31 12:52 发表
小事。。。保留好信息和通话记录，防止对方说你不约他去定损~

收到，电话开住录音打俾他嘅，点知道他冇接。短信Keep好备份先，唔该晒！

ai_yo · 发表于 2011-8-31 13:58:00

原帖由 skyboyn8 于 2011-8-31 13:11 发表

因为佢比人少完吾愤气咯

又见SB同学，哈哈

ai_yo · 发表于 2011-8-31 13:59:05

原帖由 zzh1206 于 2011-8-31 12:54 发表
禁阿叔后来都没拿证出黎俾阿SIR睇啊？

就系啊蛇来咗先肯拿出来，跟手先签字咯。

GT0 · 发表于 2011-8-31 14:09:27

佢仲要唔听你电话啊？我上次系直接打电话过去叼对方，由祖宗18代开始叼到佢匿一代

叼完直接叫佢食自己，收线

你自己修好自己台车搵保险睇数就得了

乜事都无

懒得洗车 · 发表于 2011-8-31 15:04:32

现在只有你玩佢嘅份，慢慢玩。

广天_IC · 发表于 2011-8-31 15:24:12

自己去销案，然后隔一头半个月去福利店帮你做单方（或者双方），你懂的

AMT · 发表于 2011-8-31 15:35:25

啊叔又几搞个啵，

慰问！

skyboyn8 · 发表于 2011-8-31 15:38:48

睇来贱人同学真系得左便宜仲卖乖

自己队到人比人少两句就上来寻求安慰

摆明就你自己着数左拉,撞到对方人地吾稳你赔

仲系度炸傻蟮

好彩人地果部系你所谓的福美来咋,比人少两句米好彩咯,当买个教训,如果对方系法拉利等名车,少你不单止,仲要你赔折旧费吖贱人同学

洒哥 · 发表于 2011-8-31 15:39:46

哪家保险啊？
有农夫山泉？？？

skyboyn8 · 发表于 2011-8-31 15:43:41

原帖由洒哥于 2011-8-31 15:39 发表
哪家保险啊？
有农夫山泉？？？

平安有

skyboyn8 · 发表于 2011-8-31 15:45:22

http://www.pcauto.com.cn/playcar/skills/cxpl/0701/423933.html原来吾单止法拉利,宝马都有折旧费

律师说法：

浙江下沙万马律师事务所潘帅律师说，虽然目前的法律对此还没有明确的规定，但车辆发生碰撞造成的贬值，是不争的事实。根据民事赔偿公平、公正的原则，车主应该获得赔偿。

北京、杭州都有成功案例。

2004年10月，王女士驾驶一辆捷达轿车被追尾，经价格认证中心认定，车辆贬值1万多元。王女士向法院起诉索要“贬值费”。北京市第二中级法院判决，肇事司机赔偿王女士贬值费8500元。
睇来贱人同学真系好彩

原来捷达都有眨值费

吾怪之得要上来寻求安慰

[ 本帖最后由 skyboyn8 于 2011-8-31 15:51 编辑 ]

ai_yo · 发表于 2011-8-31 15:55:14

原帖由 skyboyn8 于 2011-8-31 15:45 发表
 http://www.pcauto.com.cn/playcar/skills/cxpl/0701/423933.html原来吾单止法拉利,宝马都有折旧费律师说法：

浙江下沙万马律师事务所潘帅律师说，虽然目前的法律对此还没有明确的规定，但车辆发生碰撞造 ...

果然系SB同学

		自动登录	找回密码
密码			注册