[轉貼]廣州 70蚊嘆第一雞 $1.6萬馬拉松 Spa Apple Daily－2010-10-19

dreamfly

廣州 70蚊嘆第一雞　$1.6萬馬拉松 Spa11月，廣州將成為全國主角，皆因亞運在此舉行，向人民發誓絕不成新德里後又一國際大笑話。既然如此，我亦要為可能會於亞運前中後期計劃暢遊廣州的你做足準備，不是遊廣州塔或場館攻略，而是實際地搵食，又或豪嘆 spa馬拉松。

記者、攝影︰吳美美
Model︰ Kayi@ Starzpeople
鳴謝︰廣州香格里拉酒店
第 2步（ 3hr50min）︰氣平衡按摩以含有蓮花精華的香薰油及海鹽作輕柔磨砂，之後用亞洲區香格里拉才有的「氣」平衡按摩手法鬆鬆全身，調和體內氣流。（與第 1步療程約相隔 7日）

療程︰ A+D+B+C
結婚 Spa需時 16日廣州亞運指定入住酒店之一，有位於海珠區的香格里拉酒店，位置靚，入住江景房，就可眺望到兩座新塔，廣州塔及 IFC，硬件軟件毋須懷疑，甚至 welcome dessert都好有心思，連碌竹都係朱古力整，靚到不捨得食，從這些細緻位都令你明白甚麼才是五星級。然而在廣州 N咁多五星，哪一顆才能搶奪芳心，講真，這次我是要上去試它極級的「 CHI spa」！
CHI spa新加了一個名為「煥然新生」的雙人 spa套餐，門面上是設計給即將結婚的新人，查實一對貪靚姊妹花去豪嘆亦無不可。雙人套餐盛惠$16,339！所做療程大致包括以下 A至 F多個項目，分四部曲做，整個套餐約需時 16天。
（註： A至 F後所列為單做時數及價錢）

A：寶迪佳滋養蜂漿奶身體裹敷（ 1hr10min約$910）
B：氣柔膚磨砂（ 1hr約$560)
C：寶迪佳補氧面部護理（ 1hr40min約$1,144）
D：氣平衡按摩（ 1hr20min約$1,552）
E：芙樂絲蓮花牛奶浴（ 20min約$420）
F：寶迪佳水晶能量面部護理（ 1hr40min約$1,494）
馬拉松 4步
第 1步（ 2hr50min）：氣柔膚磨砂先用德國護膚品牌寶迪佳（高級 spa先會見其蹤影）做身體磨砂，再用滋養蜂漿奶身體裹敷，再作面部護理。

療程︰ A+B+C
第 3步（ 3hr10min）：氣柔浴缸浸完含有蓮花精華奶粉的美白浴，再到塊面，用寶迪佳緊緻提升膠原面膜套裝（套餐獨有），肌膚又白又滑。（與第 2步療程約相隔 6日）。

療程： E+A+B+C+膠原面膜
第 4步（ 2hr50min）：水晶能量面部護理再浸牛奶浴，最後療程之中，將針對淋巴位，以粉晶能量提升排毒效果，深度保濕。（與第 3步療程約相隔 3日）。

療程： E+A+F
評語成萬幾蚊，貴！咪住，計計數先：首先「煥然新生」雙人 spa套餐約$16,339，即每人約$8,170（差不多 13小時），每小時約$628，做番相同類似療程，單項計 16小時多約$12,146，每小時約$759，即是套餐每小時平約一百蚊，仲未計套餐獨有的膠原面膜療程。推介給新人們一試。
$583大閘蟹佛跳牆餐■五両蟹公，一隻對蟹癡來說不夠啦！
重陽節都過埋，還不怒擦大閘蟹尚待何時！「夏宮」就剛推蟹之套餐，所用的蟹都是來自港人熟悉的陽澄湖，約有 5両，每日約推 70位，套餐還配有 5款於秋冬時節所吃的中菜，如佛跳牆、遼參、燒銀鱈魚等。煮法則走健康路線，人人都知大閘蟹的膽固醇高，再煎炒炸就太過份啦，以蟹粉小籠包配蕎麥麪可見大廚的心思。
■最緊張環節，鬥多膏。
■流晒蟹油出來的蟹粉小籠包配蕎麥 麪。

■加有花雕的福建檀香佛跳牆。
大閘蟹套餐每位約$583
夏宮：香格里拉酒店 2層
惹味桂林辣辣壽司推介返內地食日本料理，我是曾經猶豫過的，但「灘萬」這招牌可以例外吧，在日本大大話話都有百年歷史，新推的午餐料理由百二蚊起（太平你都唔敢食啦！），總共分四大系列共 13款，當中我最愛「辣辣壽司」代表的火龍系列，不是用 wasabi那種辣，是……桂林辣椒醬那種辣，好惹味的。值得一提，是套餐都配有的芝士豆腐同橙皮蒸蛋，有機會兩樣都想要多碗。
■成班朋友每人叫個餐，一大張枱都唔夠放啦！
■請想像這碟是明太子卷加桂林辣椒醬。

每款午餐料理約$126起
灘萬日本料理：香格里拉 3層
a.廣州香格里拉酒店
地址：海珠區會展東路 1號

豪華江景雙床房
房價：每晚約$1,287起
平民掃食寶華路
多幾下更有雞味我並不是那種全程旅行都愛匿埋酒店的人，出外覓食才是本能，今趟走到去「上下九步行街」的朋友寶華路吃了一隻雞一碗麪。說得簡單，卻吃得 yummy yummy。
先談雞，開業 6年，位於小巷的「文記壹心鷄」，是 81年於國內成名「清平第一雞」的承傳，員工都來自當年的清平飯店，相對當年，現已由濃味轉為清淡，符合現代人要求。雞隻皮爽兼薄，肥膏不多，肉身有淡淡鹹香，建議不蘸薑油，可多幾下慢慢等味道滲出來。小店收夜晚九點，小記八點半到，已叫乜無乜，惟有齋叫一隻雞，再過 5分鐘，隔籬枱連雞都無得食。
■廣州食街之一寶華路，轉個彎就係上下九。
■壹心雞小巧輕盈，點解要四小碟薑油咁多？其實真係唔需要蘸薑油。每隻約$70

b.文記壹心鷄
地址︰荔灣區寶華路旋源橋 10號
$16必食香辣雲吞麪■來到廣州，必定食碗雲吞 麪先啦！大碗 麪份量係香港正常 size的兩倍！大：約$17.5、小：約$16
「寶華面店」是很多老廣州都會去一解雲吞麪之思念的小店，但麪送上來時，我是懷疑本地人要求太低了！因碗麪的色水實在比本人的膚色更暗淡！為了不浪費食物決定試一口， sorry，我錯了，用全瘦豬肉加一隻蝦包成的雲吞，咬落去時香味滲晒出來，皮亦薄，不像香港的乒乓波雲吞；全蛋幼麪夠幼身，沒有那陣公敵鹼水味，但蛋味不夠，勝在麪身好夠爽，嗜辣者要試他們濃郁的豆豉辣椒油，食落口啲辣同豆豉香隔一陣慢慢走出嚟，好開胃。
■酸蘿蔔是老式雲吞 麪店才提供。

c.寶華面店
地址︰荔灣區寶華路 117號
Spa Marathon溫馨提示：新落地的廣州塔，夜晚例牌不停變色，但確係幾靚，又是新晉影相位。
Travel Memo持有效回鄉證或卡均可。中國旅行社： 2853 3533

於紅磡火車站可乘直通車到達廣州東站，車程約 2小時，每位$190。查詢︰http://www.it3.mtr.com.hk

1元人民幣約兌 1.17港元（文中價錢已折算港元）

220V，兩扁腳插座
中國

廣州

下周多雲， 21-29℃

jason_jim

一心鸡非常不错！！！！

dreamfly

原帖由 jason_jim 于 2010-10-19 23:54 发表
一心鸡非常不错！！！！

唔睇報紙都唔知有間咁嘅餐館，報紙話係小巷，咁泊車泊邊度好？

大肥猪仔

我一般就泊在出面的路边，啦啦淋买完就飞上车走人，呵呵，这里的鸡是我们屋企必备食品！~

dreamfly

原帖由 大肥猪仔 于 2010-10-20 10:41 发表
我一般就泊在出面的路边，啦啦淋买完就飞上车走人，呵呵，这里的鸡是我们屋企必备食品！~

      下次去及及先~

双立人

买了一心鸡顺便去对面买埋鱼皮再走就正了。

狮子仔

怀念当年住西关！