点解D花胶汤会苦嘎？！

小圆 · 发表于 2010-7-8 00:37:50

自己成家后第一次买花胶，系系TB上面，细细块果种，当时唔知道价钱，大概110~120蚊一斤，买佐半斤……
好好心机咁煲佐一煲花胶瘦肉汤，但一饮，又苦又涩！以为系自己处理得唔好（其实，我已经浸足一晚，兼且飞过水了），又可能系其他药材问题……
过佐一排，我又再煲多次，ER，都系苦嘎！浪费晒我其他噶材料！
我妈就话我啦：“系淘宝上面买埋晒D流嘢，食物点可以上网买嘎呢？”事实上我又真系买佐流嘢，无得搏她……于是，将煲汤再次倒晒，顺便掉埋剩低嘎花胶……

好啦，我去市场海味店买啦，年初偶尔经过荔湾路个市场，有一间干货店新开张，话酬宾哦。我就拣佐一种180蚊左右一斤嘎，又系细细块（比之前果种稍微大DD），为稳阵起见，先买30蚊煲一次试下先
包嘢放佐系冰箱成半年，琴日谂起，就试下再煲多次啦。
谂住今次唔系网购啦，无事啦呱，于是，将老爷之前系庐山带返嚟嘎石鸡（生活系石头上面嘎田鸡）干一起放埋落去（PS. 呢样嘢奇腥，一袋标价48.，得5只，又系搵笨嘎特产）
又系好好心机咁搞一大餐，点知出嚟，都系苦嘎！！！天吖……

我想知道：究竟D花胶乜问题，点解会苦嘎？我如果想买D唔苦嘎花胶，应该去边度买同点拣呢？系唔系我买得太低档，所以就会苦呢？如果用嚟煲汤，买边个档次嘎会比较适合呢？

唔该各位TX高人指教下啦！

cyt72 · 发表于 2010-7-8 11:43:38

食公敏鱼肚啦，爽口，一德路好Ｄ的要８百几一斤．千企别贪便买母的，口感不好．

亚欢 · 发表于 2010-7-8 12:12:05

花胶不是要炸过才煲汤吗？

joycelee · 发表于 2010-7-8 13:14:00

唔會呀，我煲左甘多年，从未试过苦花胶啵，而且大大只（一斤大约12.13只），算厚肉，唔太贵，我煲花胶一般系加鸡，加瑶柱三样煲汤就已经好香了。

connice · 发表于 2010-7-8 14:51:07

基本上在香港买花胶，3百多到5百多港币左右一斤（香港的一斤约等于这里的12两），每只约一个手掌长度的尺寸，肉质厚些就贵些。
加鸡或瘦肉煲，不要加药材，可放瑶柱或海参。飞水最好加姜葱，可辟腥味。汤要放姜，可煲可炖。
上次买过些小小片的，约一百元一斤，店主说这种小花胶可打火锅，煲汤不用浸过夜。谁知回来试过一次，发现确有一部分苦的。原因不明，建议还是不要买小片或价便的。

小圆 · 发表于 2010-7-8 15:33:01

原帖由 cyt72 于 2010-7-8 11:43 发表
食公敏鱼肚啦，爽口，一德路好Ｄ的要８百几一斤．千企别贪便买母的，口感不好．

我用嚟煲汤嘎，口感反而无乜所谓，最紧要系唔苦就ok嘎啦，800几好似有D贵呢……

小圆 · 发表于 2010-7-8 15:34:05

原帖由亚欢于 2010-7-8 12:12 发表
花胶不是要炸过才煲汤吗？

做羹或者做菜就会用砂焗过或者炸过，但系煲汤一般唔会嘎吧

小圆 · 发表于 2010-7-8 15:35:11

原帖由 joycelee 于 2010-7-8 13:14 发表
唔會呀，我煲左甘多年，从未试过苦花胶啵，而且大大只（一斤大约12.13只），算厚肉，唔太贵，我煲花胶一般系加鸡，加瑶柱三样煲汤就已经好香了。

咁你系边度买多啊？大概乜价位嘎？

小圆 · 发表于 2010-7-8 15:36:31

原帖由 connice 于 2010-7-8 14:51 发表
基本上在香港买花胶，3百多到5百多港币左右一斤（香港的一斤约等于这里的12两），每只约一个手掌长度的尺寸，肉质厚些就贵些。
加鸡或瘦肉煲，不要加药材，可放瑶柱或海参。飞水最好加姜葱，可辟腥味。汤要放姜，可 ...

HK我唔系咁熟，特别系买海味
你帮衬开边间嘎？

H72 · 发表于 2010-7-8 16:48:15

买花胶通常来说都是买一整个的鱼鳔制成的为佳，根据体形大小区分等级，千万别买那种切开一片片的所谓鱼胶，都不成型，鬼知你用咩来充噶?正所谓一分钱一分货，楼主100文一斤的货，好极都有限。分分钟还可能买到不知用咩来充噶流野。

海味还是香港买比较货真价实，香港人远比大陆人实在，钱要赚，但是商誉更重要。香港西环海味街大把靓货，如果有心去挑，分分钟拣到宝，贪便宜的结果就是给奸商骗。君不见报纸报道一德路的干货市场，冬虫草发现大量铁丝吗？

如果楼主想在广州买便宜的鱼肚，以前在中华广场的吉之岛有卖那种湿货，未搬之前我帮衬过，148多一斤的湿货，巴掌大的鱼肚，买个5-6只已经可以煲一煲一家人喝的浓郁的汤了，但是湿货和干货质量还是有很大差别，我在香港买的花胶，话明系大连货，煲出来的汤味道和吉之岛买的湿货差不多，唯一的差别是湿货基本溶晒入汤，干货依然爽口。
另外，个人认为煲花胶需要适当搭配食材，像楼主那样拿来煲瘦肉，瘦肉清心寡欲，估计是不行的，因为花胶需要借味，煲出来的汤才更鲜美。一般老鸡+瑶柱已经是绝佳搭配了。心得仅此而已，供君鉴别。

小圆 · 发表于 2010-7-8 16:55:06

原帖由 H72 于 2010-7-8 16:48 发表
买花胶通常来说都是买一整个的鱼鳔制成的为佳，根据体形大小区分等级，千万别买那种切开一片片的所谓鱼胶，都不成型，鬼知你用咩来充噶?正所谓一分钱一分货，楼主100文一斤的货，好极都有限。分分钟还可能买到不知用 ...

学到野了，我先去吉之岛买D试下，等下次去HK再去西环逛下先

H72 · 发表于 2010-7-8 17:37:04

中华广场吉之岛搬左，楼主可能要去天河城未来街市看看。

HKY1000 · 发表于 2010-7-8 20:02:23

前前后后自己同帮人买左十几二十斤啦，未试过有人话苦啵。清平路买，巴掌大（细d有大d也有），一般筷子厚，两百五十蚊一斤。。。便宜没好货，少d去d批发市场买野，唔熟嘎会一颈血嘎。。。。。。

HKY1000 · 发表于 2010-7-8 20:05:45

[quote]原帖由亚欢于 2010-7-8 12:12 发表

花胶不是要炸过才煲汤吗？ [/qu一斤4-6只先好d。。。。。

小圆 · 发表于 2010-7-9 01:20:58

原帖由 H72 于 2010-7-8 17:37 发表
中华广场吉之岛搬左，楼主可能要去天河城未来街市看看。

你唔讲，我差D唔记得中华吉之岛撤佐场添啦

小圆 · 发表于 2010-7-9 01:26:11

原帖由 HKY1000 于 2010-7-8 20:02 发表
前前后后自己同帮人买左十几二十斤啦，未试过有人话苦啵。清平路买，巴掌大（细d有大d也有），一般筷子厚，两百五十蚊一斤。。。便宜没好货，少d去d批发市场买野，唔熟嘎会一颈血嘎。。。。。。

HKY1000 TX：你买果D系唔系要一次过买好多先得嘎？咁便有咁大只……
我买180果D，干嘎时候就系1/4手掌大细，2、3mm厚左右嘎咋，我以为谂住煲汤，细细地嘎会便，点知居然苦嘎……

joycelee · 发表于 2010-7-9 08:40:33

原帖由小圆于 2010-7-8 15:35 发表

咁你系边度买多啊？大概乜价位嘎？

我系一个朋友帮忙买开的，因为她家族做开海味生意超过20年了，我买的大约系350~400之间（价格会浮动的），一只绝对长过一只手掌大，我周边的朋友都系叫她帮忙买的，因为质量未变过。

HKY1000 · 发表于 2010-7-9 09:34:19

原帖由小圆于 2010-7-9 01:26 发表

HKY1000 TX：你买果D系唔系要一次过买好多先得嘎？咁便有咁大只……
我买180果D，干嘎时候就系1/4手掌大细，2、3mm厚左右嘎咋，我以为谂住煲汤，细细地嘎会便，点知居然苦嘎……

清平市场咯，次次买一斤或者两斤

独行肥侠 · 发表于 2010-7-9 17:26:34

花胶不是要发既咩！苦，系咪真系胶啊！

小圆 · 发表于 2010-7-10 02:14:35

原帖由 独行肥侠 于 2010-7-9 17:26 发表
花胶不是要发既咩！苦，系咪真系胶啊！

系有发啊，搵水浸咪就系咯
至于系唔系真系胶，我觉得有呢个可能性哦，只不过煲嘢真系超腥

小飞机 · 发表于 2010-7-10 05:23:28

呵呵。。。其实你买到既未必系假花胶，应该系特别照顾过既花胶姐！
为左系上色、发大令到睇上去好睇D，又或者防腐等原因。。。依D花胶曾用过化学药品浸泡过。等到你煲既时候，未变苦咯。

小圆 · 发表于 2010-7-10 18:21:21

原帖由 小飞机 于 2010-7-10 05:23 发表
呵呵。。。其实你买到既未必系假花胶，应该系特别照顾过既花胶姐！
为左系上色、发大令到睇上去好睇D，又或者防腐等原因。。。依D花胶曾用过化学药品浸泡过。等到你煲既时候，未变苦咯。

我都觉得呢种可能性系最大嘎……
ER,我地仲一人饮佐一碗添，都唔知会唔会有D乜不良反应嘎

二志 · 发表于 2010-7-13 00:13:20

我那好象有靓的花胶不过现在不记得价格明天回去查一查

小圆 · 发表于 2010-7-13 02:05:14

原帖由二志于 2010-7-13 00:13 发表
我那好象有靓的花胶不过现在不记得价格明天回去查一查

好啊~
其实如果你有D唔系咁高档嘎都可以报个价比我嘎，我用嚟煲D日常汤水自己饮嘎喈，只要系天然野就ok嘎啦，细细只都无问题嘎

广州肥牛 · 发表于 2010-7-14 03:59:16

腥多数是发完之后无清洗干净表面，煲的时候落点花旗参，至于苦就少见了

		自动登录	找回密码
密码			注册

点解D花胶汤会苦嘎？！

浏览过的版块